أغنية بنفكر في الناس
بنفكر في الناس ولاحد فكر فينا
وبنبكي على الناس ومين حيبكي علينا
ولحد إمتى حنعيش يا قلبي نداوي جرح المجروحين
وإنت إللي شايلو جواك يا قلبي أمر من طعم السنين
حتى إللي عشنا نحبهم ونداوي ليهم جرحهم
قسوا علينا قلبهم وبكوا دمع عينينا
عيني يا عيني علينا
يالله السلامة عليك يا حب يالله السلامة
يالله السلامة على إللي حب يالله السلامة
وأه يا عيني عليك يا قلبي
ياللي أنت عايش لسه قلبي
حتى إللي عشنا نحبهم ونداوي ليهم جرحهم
قسوا علينا قلبهم وبكوا دمع عينينا
عيني يا عيني علينا
في العشق ياما ضيعت عمر في العشق ياما
والجرح يا ما كان طعمه مر ياما ياما
سنين يا عيني عليك يا قلبي
ياللي أنت عايش لسه قلبي
حتى إللي عشنا نحبهم ونداوي ليهم جرحهم
قسوا علينا قلبهم وبكوا دمع عينينا
عيني يا عيني علينا
بنفكر في الناس ولاحد فكر فينا
وبنبكي على الناس ومين حيبكي علينا.
