أبيات شعر رومانسية
بديت أشتاقلك يومية وأحتار
وإذا مايووم أسمع صوتك أحزن
جبت كلبي بيدي كربته للنار
وليش بنار حبك كلبي أمن
أخاف أعيوني من الشوك تنهار
وخايف لا يجيهن يوم يبجن
ويدمع إعيوني ينزل مو دمع نار
وكل دمعه شهر من توكع أصفن
ينشدوني عليك شلون وضعه وياك
وأكلهم مو طبيعي أهواي داراني
وتطردني من أدك بابك وأكل للناس
طار من الفرح لمن تلكاني
إشطبتني من سجلك وأني أكل للناس
شطبني من سجله للكلب وداني
كالولي يكرهك كلت غلطانين
يكرهني بشقه وبصدك يهواني
كالوا شلع كلبك كلت يعني إصار
شكو بيه إذا محبوبي شاقاني
توهه طكت من نشف ريج التراب
من بعد ما ينبت بكاعي عشك
من ذبل وجه الورد مر بيه غيم
من وصل بيه السكم حد العرك
من تهاون ريشه ريشه من الجناح
برد وكتي وصارن إجفوفه زرك
شميتك كبل بس ما قاومت وياي
ولميتك نفس وأتعثر بلمك
وهسه تريد أشمك خايف أني عليك
يمكن راح أخلصك لمن أشتمك
ما مقسوم أحبك ولأبتدي وياك
بس مكتوب دوم بحبك نعاني
ما أكلك إنساني بس أكلك روح
وياك الوكت محتار خلاني
أعتب ع الزمان ألماً جمعني وياك
وبدرب السراب شلون مشاني
بعد كل البنيتة وبية ما ضل حيل
أجة بلحظة الزمان وهدم بنياني
وبعد جرح الأمس وك يا زمن ما طاب
وصدك كالو تشافيني بجرح ثاني
لا صاحب تركتة ولا حبيب وياي
وعلى صفحة حزن خطيت عنواني
وعموما ياحبيبي وأغلى ما حبيت
أنت أول محب أستحل وجداني
ألف مبروك أكلك من كلب ولسان
مو كلمة وأجتني بطارف لس
وأنا كم مره أكلك
من تريد تفوت
أتلثم يلا تعبر
يل ماخذ كليبي وياك.
