كلمات قصيدة اختلاف 3 هشام الجخ
باعِتُه وجرِتْ وَرَا زِيفْ
وسابتْلُه نار جوّه
مَسّكِته في إيده سِيفْ
اختار يموت هوّ
يَا حَبِيْبِي هَذِه الْغُلامّة إِن تَخْتَلِف
فَهُو إِخْتِلَافَكَ لَا إِخْتِلَافِي
أَنْتَ مِن أَحْبَبْتَهَا
وَنَسِيْتَ أَنّ مَسَافَةً بَيْن الْجَنُوب وَبَيْنَهَا
يَا صَاحِبَي أَنْت الْإِلَه
لَكِنَّهَا أَبَت أَن تِعَصَاكَ فِيكْ
فعْصَتكَ فِيّ
فَهُو إِخْتِلَافُكَ لَا إِخْتِلَافِي
والفرق ما بيني وبينكَ بإختصار
إنّي واحدْ حبّ ستين ألف واحدة
وإنتَ ستين ألف واحد حبّوا واحدة
الاختلاف اللي ما بينّا مش أسامي
مش في (نانا) أو (فلانة)
الاختلاف اللي ما بينّا في الديانة
في اتجاه القِبلة من وضع السجودْ
إنّي في غرامي فَرَسْ
وإنت في غرامَك قَعُودْ
الاختلاف اللي ما بيني وبينَك
إنّي لو حبّيت باخلّي البت نعلْ
ألبِسُه وأبدأ طوَافي
وإنت حُبّك زي بَغْلْ
شال حبيبتُه فوق كِتافُه وعدّى بيها السكّة حافي
يبقى لما نختِلفْ.. تعترِفْ
إنّ اختلافَك عمرُه ما كان اختلافي
