– أشعار بدر بن عبدالمحسن
– راعي الهوي مسكين
شعر موج .. وقمر خد ..
دفا روح .. وطغى قد ..
وراعي الهوى مسكين ..
زهى الكحل .. في الحاجر الفتان
وسرى الليل .. تو الفجر ما بان
وراعي الهوى مسكين
كما الشمس .. يجهر سنا نوره
ما اقدر أناظر .. والعين مكسوره
وراعي الهوى مسكين ..
ثغر ورد .. ورده شكت ورده
من دونها الشوق .. والرمح والقرده
وراعي الهوى مسكين ..
– شكرا سحايب
شكرا سحايب على لطفك انتي مطر والصحاري الناس
قلبك شكا من كثر عطفك لا باس هذا التعب لاباس
أغليك وان كنت ما عرفك اخوين يجمعهم الاحساس
رسمك لحن رائع وعزفك على القلم نوَّرالقرطاس
– الروح الجريحه
يا عذولي .. وش تفيد به النصيحه لا تعذل القلب .. وجروحه طريّه
من يداوي علة الروح الجريحه ومن يسلي دمعة العين الشقيه
ان شكيت من الهوى .. قالوا فضيحه وان سكت استنقدوا جرحي عليه
وان نويت البعد .. ضاقت بي الفسيحه وان بغيت القرب .. خان القرب فيه
من عذلني في الهوى الله يبيحه ومن عذرني .. ما حصل مني خطيه
– زل الطرب
تلعب وانا .. ما عاد لي بالطرب شف لعبك بروحي بدل الفرح بجراح
زل الطرب يا موجع الطار بالكف شابت قوافي الليل .. نور الضحى لاح
كانك تدق القلب .. دقك على الدف عسى الضلوع توقي القلب لا طاح
شفتك .. ولا ادري من قضب بعدك الصف ناس ٍ كثير .. وكنهم عندي أشباح
نورك دعاني وعندك الشوف وقف كنه فنارٍٍٍ لاح في عين ملاح
من له ثمان اسنين من راح منكف خلّى السفين وعارض الموج سباح
من فرحته ما حسب االحيل يتلف غلب عليه الموج والقاع منزاح
