– أجمل أبيات بدر بن عبدالمحسن
– شيختي
تهب ريح وتسكن العظم رجفه
وتموت ريح وتسكنةاوراق نزفي
على الروابي تهطل دموع وطفه
وتصب لمع بروقها وسط طرفي
ياطاري الغدران..والعمر رشفه
مع قلها ياليتها يوم تصفي
الحب واجد..مير الاقدار صلفه
والعزم واجد لكن الحلم منفي
– السنابل
من يهني السنابل .. في ليالي عرسها
كل شعب الجزيرة .. اللي تعب في غرسها
يا جزيرتنا بناتك ..
ما تناسوا وصاتك ..
كافحوا .. واتخرجوا .. وتحت ظلك انتجوا
آه كل يومٍ .. في حايتك يا جزيرتنا أمل ..
البيارق خضر .. وفصولك ربيع
راية التوحيد .. يا عز الجميع
يا جزيرتنا بناتك
ما تناسوا وصاتك
كافحوا .. واتخرجوا وتحت ظلك انتجوا
آه كل يومٍ في حايتك يا جزيرتنا أمل ..
– شكرا
لو كان في كفي رميته في كفك
يفداك مافي الحب من صادق الحب
تحبنّي؟؛؛ياعلّني بعض ضعفك
قلبي جرادٍ بعد ما حصّل العشب
أنا قديم الهم وأنفع لعطفك
أما الهوى ياسيدي مركبه صعب
يا ليت لي صهوة جوادٍ وأخطفك
للشمس لنجوم المجرات؛؛للشهب
تحبني؛؛وأقول من زود لطفك
شكراً صدقت؛؛وألف شكراً على الكذب
