أول شيء بعد ما تسمين وتلبسين مريلتك الحلوة، نتقعين الرز بعد ما تغسلينه زين.
بعدين تفرمين البصل فرماً ناعماً.
حمري البصل المفروم في القدر إلي راح تعدين فيه الرز تحمير مو حرق ولا ذهبي.. لازم يكون لونه أحمر.
ضيفي عليه كوب ماء.
أضيفي عليه نصف الدجاجة، تكون مقطعة بالنص.
أضيفي عليه الملح والبهار والقرفة والهيل وخلي الدجاجة تغلي في الخليط إلي سويناه ليما تنضج.
إذا نشف عنها الماي زيديه.
بعدين طلعيها من الخليط واتركيها جانبا.
أضيفي على الخليط الي طلعنا منه الدجاجة الرز المغسول والمنقوع بعد ما نصفي عنه الماي طبعا.
خلي الرز بالخليط ولازم تكون كمية الخليط تناسب كمية الرز وتعرفين هالنقطة إذا غمر الخليط الرز بحوالي بوصة وحدة يعني الكمية مناسبة.
بعدين هدئي النار تحت الأرز وأضيفي عليه حبة واحدة من الطماطم مهروسة والكركم وغطي الجدر وكل شوي قلبي الرز بحذر شديد عشان ما تتكسر حبات الأرز حتى ينضج حسب رغبتك والأفضل للمكبوس أن ما يكون الرز لين.
إقلي أصابع البطاطس وارفعيه من المقلات جانبا ثم اقلي قطعتا الدجاج لمجرد التحمير فقط وارفعيها حالاً.
في طبق التقديم اغرفي الأرز ثم وزعي عليه أصابع البطاطس المقلية ثم ضعي قطع الدجاج فوق البطاطس.
